Tow Vejjmend

Bemærk: Denne tekst er ikke korrekturlæst (endnu)!

Æ Vejjmand håd travlt mej å bruug æ Skowl,
han jawwnet æ Hwoll i æ Vej mæ Såend;
så kam der en Mand i en Uddekjowl
mæ en Tååsk o æ Røkk å en Kjæp i æ Håend.
Han hælset æ Vejjmand: »Godaw å Gudsfre!
No, do gor å lawwer æ Vej i Stand;
de liggne de Arrbed, en anden æ ve,
a jawwner å Vejj så godt a kan.
De er æ Vej te æ Himmel, a æ mej te å dann,
mi Bestelling er å vær Missionær.«
»No, er et de, ja de ka gjaan vær sannd,
a håe kons de Støk hiefræ å te Stjær.«

Teksten forekommer i følgende publikationer:

Gue Venner af Anton Berntsen (1951)

Udvalgte Jydske Digte 1968 af Anton Berntsen (1968)

Tilbage