Stine søger et Legat

Bemærk: Denne tekst er ikke korrekturlæst (endnu)!

Godaw, Hr. Pastor, de æ Stine dæ kommer,
Di hows wol nok hwa Di lowwet i Sommer,
de wa de Legat Di vild hjelp mæ å fo.
A tøgges, dæ ska jo nowwe ha et,
å så ka en anden lissågodt ta et,
så vidt a hows ska et søges no.
A spåer de a kan å legger ett nued øø,
men en ska jo hwæ Daw ha let te æ Føø,
æ Helbred æ sempel, mi Mand æ henny
de æ strenng næer en såen blywwe gammel å jenn,
de hå 'knevven få mæ sien Søren døø.
Hans Graw hår a liiwan henn å leg Gran o.
De Legat vild vær mæ en Hjelp så stue,
a ved wal, Wohærre .ska nok vær mæ gue,
emen de ka en ett såen løv an ol.

Teksten forekommer i følgende publikationer:

Bøen å gammel Folk af Anton Berntsen (1937)

Tilbage