DE æ skekkele Folk, dæ buer o wo Ejn,
vi swåer, hwa vi skal, te Præst å te Dejn;
der æ ingen a wos, dæ liifram vil stææl,
men de træffer, en håer en Kuw en vil sææl.
O æ Mærkend ska en jo sjel pas o,
te æ Priser, en foe, ett æ få smo;
å narre sæ sjel vild da vær en Skam,
æ Folk ka jo sjel tagsier æ Kram.
A hå handlet mæ manne, men ingen snøt,
di Handler, a goor, hår a ålde fåtrøt;
om ande hå snøt sæ sjel en Bett
ve å handel mæ mæ — de kinder a ett!
Teksten forekommer i følgende publikationer:
| De Fie Snees af Anton Berntsen (1953) |
Copyright ISCA Software 2023-