WO SØSTER

Bemærk: Denne tekst er ikke korrekturlæst (endnu)!

Wo Søster hå tint i æ Tyskers Goer,
de wa hind så træls å så fremmet,
æ Tjennest wa strenng, å æ Håsbond wa hoer,
å undt hå hun håed et i manne Oer,
men no vil vi hjelp hind å glemm et.

Æ Tysker wa lii ve å plaww hind te Døø,
han bæjjlet, men fæk kons en Kårre,
hind Kinder bløw hwiid, hwo di faar håd wan røø
JQS tesist bløw et osse let knap mæ æ Føø —
men no fo hun Glee få hind Sorre.

Kom ind, lille Søster, sed hen te wo Buer,
mæ dæ kam dæ Glee te wo Hjemmen,
deruud i æ Kjøkken ferrmer wo Muer,
få hun steller an te en Festdaw så stuer,
te ålder i wo LYW vi ska glemm en.

Teksten forekommer i følgende publikationer:

Småfolks Fånøwels af Anton Berntsen (1920)

Tilbage