Niels Dam

Bemærk: Denne tekst er ikke korrekturlæst (endnu)!

Do kjæænd da wo Nååbo den lille Niels Dam?
han kund ålde fo Stoond te å bii,
han bløw føj et Kwatier faar æ Joormor kam,
få han tøtt så wa de te en Sii.
Æ Dejn i æ Skuel wa let hoer te å SIO,
men o Niels kund et ålde blyw kjæend,
hwodan de gik te, kund æ Dejn ett fåsto,
men løwt han æ Tamp å vild te å bøst o,
ja så wa æ Slopphowed ræendl

Et Oer faar han skulld drow han å te Session,
han kund sed o en Hææstrøkk så strunk,
han mindt han kund nok blyw en gue Dragon,
men så tow di ham liigodt te »Dunk«.
De gik ham få sinde ve de Kompeni,
dæ wa åldtfå møj Skob i hans Bjeen,
han klawwet sæ lænng, å tesidst bløw han fri,
hans Løst te æ Tjennest håd lænng wan fåbi,
å letajte wa der å tjeen.

Han bejjlet engong te en Piig, han vild ha,
men hun vild betænk sæ en Nat,
æ Daw atte kam hun å bøj ham si Ja,
men da wa æ Embed besat.
Han handlet å tomlet å sled som en Myyr,
en skuld tøkk, han gjor Liggn for æ Føø,
te Lands håd han Arrbed, te Søs tow han Hyyr,
å di Pææng han fæk tint, sat han sjel øwwestyyr,
hwi skuld ande ha demm å leg øø?

Så hindt di æ Dogter en Daw te Niels Dam,
han wa bløwwen så rinng i hans Sii,
men han lo å wa dø ve æ Dogter kam,
han wa åldtie kyw å å bii.
Så ringet æ Klokker, di kjoor mæ æ Kjest,
- de wa føøst Gong, han ett kjor i Traw —
æ Præst stod å såå åld de gue han vest
om de LYW dæ wa æend, om den Mand di håd mest,
- — å så lo Niels Dam i hans Graw.

Teksten forekommer i følgende publikationer:

Udvalgte Jydske Digte 1948 - første bind af Anton Berntsen (1949)

Udvalgte Jydske Digte 1968 af Anton Berntsen (1968)

Tilbage