En Piig o sytten Oer ka blyw Student,
ifald hun henger i å håer æ Gawwer;
hun ka snak tysk å fransk — da såen omtrent —
men spøer ett om, hwodan no Mad hun lawwer.
En Frøken ka fo laer å dogterier
å leg en Plaster o di sælle Stæjjer,
ræt manne syyg ka hun wol ett kurier,
men de ka ander Dogtere ek' hæjer.
En Kuen mæ Snakktøw ka blyw Rigsdasmand,
de ska dæ jo isæer en gue Mund te,
å så ka hun regier æ hiele Land,
— regier æ nued æ Kwinndfolk æ så won te.
Ino ka di jo ett så wal blyw Prææst,
men bi kons, I ska si, de kommer osse,
de wa måskiese helder ett de vææst,
a véd da jen, dæ snakke godt nok få sæ.
Men jen Ting æ der, a ka ett fåsto,
å diefå sedder a no hie å gronder,
hwodan de mæ wos arrme Mend ska go,
næer ålld vil løøs, å ingen vil vær Kwonner?
Teksten forekommer i følgende publikationer:
| Megstur af Anton Berntsen (1925) |
Copyright ISCA Software 2023-