Æ Hyppjaen

Bemærk: Denne tekst er ikke korrekturlæst (endnu)!

Æ Katøffeltopp skydder op i æ Haww,
å no for æ Hyppjaen travlt et Par Daww.

Den wa arrbedsløs i omtrent et Oer,
men no ska en ha et Støk Arrbed goer.

Den hakker æ Ukrued å Senner i Smol,
æ Mulldmand røster a Angst i si Hwol.

Den dække hwæ nyskavt Katøffel mæ Juer,
såen den ka fo Grøø å blyw døgti stuer.

Næer æ Arrbed æ goer å æ Jaen sat te Sii,
så æ der igjen et Oer den ska bii.

Æ Katøfler — bådde di hwiid å di røg} —
ska bruges te Vinter te Menneskers Føø.

Men næer æ Katøffelgryyd er i Kog,
så ruster æ Hyppjaen et Stæj i en Krog.

Teksten forekommer i følgende publikationer:

Udvalgte Jydske Digte 1948 - andet bind af Anton Berntsen (1949)

Udvalgte Jydske Digte 1968 af Anton Berntsen (1968)

Tilbage