Megstur

Hwæ Sorre å Glee a i Verden hå kjæend,
hwæ Taev a måt lii, å hwæ Gaww a fæk sæend,
hwæ Mil a hå gawwen, hwæ Fuur a hå væend,
hwæ Stoond a måt hwiil, næer mi Arrbed wa æend,
hwæ Suelstrool dæ værrmet, hwæ Sky dæ ga Ræen
a tow som en Megstur, Wohærre håd blæend.

Let Moløwte wa dæ wol somtie i en,
men tit hår en smagt som den sødeste Vin,
å æ der ino en Pa Skjefuld tebååg,
så sæjje vi Tak - bådde mæ å mi Mååg.

Teksten forekommer i følgende publikationer:

Megstur af Anton Berntsen (1925)

Tilbage